Isang babaeng senior citizen ang umano'y sinagasaan ng isang sasakyan habang naglilinis ito ng kalsada sa BF Homes Aguirre Avenue.
Ayon kay David Gamboa, isa sa mga saksi, papauwi na ito ng masaksihan niya ang walang habas na pagsagasa ng driver sa isang babae sa gilid ng kalsada.
Aniya, nasa kahabaan pa lamang ng Elizalde Avenue, mabilis na ang pagpapatakbo ng sasakyan na isang Silver Mitsubishi Pajero na may plate number na UXO 295.
Para namang walang nangyari nang umalis sa lugar ang naturang sasakyan habang ang biktima ay naiwang may malay at duguan..
Kasalukuyang nasa kustodiya ng Parañaque Traffic Bureau ang suspek na kinilala bilang si Raymond Zapirain.
Ayon pa kay David, tinanong niya ang suspek kung bakit hindi ito tumigil sa ginawa niya.
"I wasn't aware," tugon ng suspek kay David.
Samantala, ang biktima ay nakakapagsalita na at patuloy na nagpapagaling sa Philippine General Hospital.
0 Comments