[SENSITIVE CONTENT]
Kalunos-lunos ang nangyari sa isang sanggol na babae matapos na maputol ang ulo nito habang iniluluwal sa infirmary sa Binalbagan, Negros Occidental. Ang ulo ng bata, naiwan sa sinapupunan ng kaniyang ina.
Ayon sa ulat ng GMA News, sinabing pitong buwan pa lamang itong ipinagbubuntis ng nanay nang biglang sumakit ang tiyan nito.
Kaagad itong dinala ng kaniyang mister sa infirmary para masuri ang kalagayan ng mag-ina.
Ayon sa staff at doktor, baliktad ang posisyon ng sanggol ngunit maaari pa rin niyang mailuwal ito sa normal delivery.
Nang magpatuloy ang pagsakit ng tiyan ng nanay, sinabihan na ito ng doktor na iluwal na niya ang sanggol. Taliwas sa hiling ng ginang na i-refer siya sa ospital.
Nang iluwal na niya ang kaniyang anak, nagulat ang ginang nang lumabas ang katawan ng anak ngunit putol ang ulo.
Doon na kaagad na isinugod si Nereza sa district hospital sa Kabankalan City para makuha ang ulo ng bata sa loob ng sinapupunan ng ina.
Nakauwi na at kasalukuyang nagpapagaling na ang ina pero nais nila ng kaniyang mister na mabigyan ng linaw at hustisya nangyari sa kanilang anak.
Naniniwala umano silang nagkaroon ng kapabayaan ang infirmary sa nangyari.
0 Comments