Inakalang "White Lady" sa Davao City, Isa palang supot.

Isa lang palang puting supot ang inakalang gumagalang “white lady” sa kahabaan ng highway sa Puan, Davao City noong Biyernes ng gabi.

 

Batay sa motoristang si Warren Labadan, bandang alas-10 na ng gabi at kasalukuyan siyang pauwi nang makakita umano siya ng isang “white lady” na lumulutang sa gitna ng kalsada.

 

Kinilabutan talaga umano si Labadan sa nakita lalo’t malalim na ang gabi. Ngunit nang lapitan ay napagtanto niyang cellophane lang pala ito na nakasabit sa kable ng kuryente.

 

Matapos matakot ay napag-alaman niya na kaya pala nakasabit ang cellophane ay may residente na naglagay nito sa nakalambitin na kable upang hindi makaaksidente. Dagdag pa rito, dalawa na umano ang naaksidente sa lugar dahil sa nakalambitin na kable sa gitna ng kalsada.

 

Samantala, bagaman natawa na lamang sa karanasan, nanawagan naman si Labadan sa may-ari ng nakalambitin na kable na ayusin ito dahil delikado ito at mas maging rason ng aksidente dahil sa takot.