Hindi makapaniwala ang mag-amang Bernardo Belarmino at Marie Bernardine Belarmino ng Barangay Bonga, Bacacay, Albay na sabay silang nakapasa sa nagdaang Bar exam.
Unang nagtapos ng abogasya sa University of Santo Tomas College of Law si Bernardo noong 1991 pero ngayon lang pinalad na pumasa sa Bar exam sa ikapitong pagkakataon.
First take naman ito ni Bernardine na nagtapos ng abogasya sa parehong paaralan noong 2020. Hindi magkasama ang mag-ama nang malaman ang resulta ng pagsusulit.
"Napaiyak ako kasi sabi ko nagbunga 'yong pagsisikap ko after several attempts. Kung nawalan ako ng pag-asa, hanggang diyan na lang ako," kuwento ng ama. | via Karren Canon
0 Comments