“Age doesn’t matter,” ito umano ang sinabi ng 19-anyos na suspek bago halayin ang 68-anyos na lola na nasa ospital ngayon matapos na duguin dahil sa ginawa umanong panggagahasa dito.
Sa ulat ng GMA News, sinabing nangyari ang krimen nitong Linggo ng gabi sa Barangay Medina, sa bayan ng Anilao, Iloilo.
Lumitaw sa imbestigasyon ng pulisya na dumalo sa birthday party ang lola at nandoon din ang suspek na isang Grade 11 na estudyante.
Bandang 10:30 ng gabi , nagpresinta umano ang suspek na kakilala ng apo ng biktima na ihahatid ang lola sa kaniyang bahay.
Ngunit habang nasa daan, doon na nagpakita ng masamang motibo ang suspek.
Bagamat nakikiusap na ang lola at sinabing matanda na siya at may mga apo na, nagsabi umano ang suspek na, "age doesn't matter."
Wala naman raw nagawa ang biktima dahil sa takot na patayin siya ng suspek.
Nang makauwi nang bahay, napansin umano ng mga kaanak na dinudugo ang biktima kaya sinabi na nito ang nangyari sa kaniya, kaya dinala sa ospital ang lola at patuloy na nagpapagaling.
Kasalukuyang hinahanap ang suspek na ayon sa ina nito ay mabait na anak at hindi umano magagawa ang naturang krimen.
0 Comments