Hindi na umabot pang buhay sa pagamutan ang isang 18-anyos na estudyante mula sa Kalayaan, Laguna matapos umano itong sumailalim sa hazing ng Tau Gamma Phi Fraternity nitong nagdaang Linggo, Marso 20, 2022.
Ayon sa ulat ng Kalayaan Municipal Police, nakatanggap sila ng balita kaugnay sa isang binatang nasawi umano matapos malunod sa isang ilog ngunit pagdating nila sa mismong lugar, dito nila napag-alamang hazing pala ang dahilan ng pagkamatay ng binata.
Kinilala ng mga pulisya ang biktima na si Reymarc Rabutazo, 18, residente ng Barangay Longos, Kalayaan, Laguna na nakitaan ng mga pasa sa magkabilang hita.
Kaugnay nito, kaagad na humiling ang Kalayaan MPS ng autopsy para sa bangkay habang kasalukuyan namang nakikipag-ugnayan sa kanila ang ilang miyembro at opisyal ng Tau Gamma Phi tungkol sa naganap na insidente.
0 Comments